تعال يا قلبي بحاورك وبســألك .
أنت يا قلبي تعرف الحب...؟
- أعرفه من وانا جاهل وفي الاحضان
حب الله ورسول الله وأمي وأبوي والأوطان .
وحب شيــخ سكن في الروح والوجدان
حب ما ينزع لو شو ماكان
- ويا قلبي خوفك ليه ..؟
- أخاف أني أعيش بدنيتي بأحزان
وفي يوم أفارق الأهل والأحباب والخلان
بلا زاد ولا سلوى وخفة في الميزان
- والحزن ليه الحزن ..؟؟
- الأحزان ..؟! آآآآآه يالأحــــزان هي معي مو من بعيد الأزمان
حزني من اللي أشوفه من ظلم الانسان لأخيه الانسان
وهذي هي دعوتي . وصرختي ..
لك يابني الانسان .
من راقب الناس زاد الهم في ضلوعه نيران
تعبت ياقلبي تعال أضمك بصدري
تعال ياقلبي أنسيك ماجاك من همومي
تعال ياقلبي نغزاتك أوجعتني
رجيتك أقسى وأنسى ياقلبي
تشوف كل هالعالم محد بيفهمك غيري
أنت بين ظلوعي بس بالوجع تذبحني
ترتجيك دمعاتي وقف ياقلبي العنادي
موضوع: تعــــال يآآ قلبــي .. 
الجمعة أبريل 22, 2011 10:31 am
