الفرق بين الطلاب والطالبات

الفرق بين الطلاب والطالبات اول ما يوصلوا المدرسة من بعد اجازة العيد
الطلاب:
اولا يوصلوا يسلموا ع الربع يسولفوا شوي ويطلع كل واحد موبايله ويبتدوا يتبادلوا الفيديوهات وكل واحد يتمدح للثاني والله انا طيحت مدري كم وحده ولو تعرف كم رقم بنت حصلت خلال الاجازه والله انهم منجنين فيني مساكين ما يدروا اني اضحك عليهم ... وقبل بداية الطابور بخمس دقائق اللي يدخن يروح خلف الصفوف ويبدا يشفط في هالزقاره وعاد بالحظ اذا صاده واحد من الادرايين او عدت ع خير ويرجع تشدخ ريحة الدخان منه ( الله يعين اللي بيجلس جنبه) واما اذا صاده الاداري بيدور الحوار التالي:
الادراي: اها ما شاء الله كبرتوا هاه
الطالب: والله استاذ... والله انا .... انا اول مره هذا كله من الربع والله انا ما من عادتي ادخن بس هذول اصدقاء السوء
الاداري: اصدقاء السوء ... هاه ... انقلع من هنا واذا شفتك مره ثانيه تتدخن لوصله لابوك
الطالب: خلاص استاذ والله اخر مره بس ابوي تكفى خله بعيد تكفى.
ويرجع عند ربعه ويسألوه شفنا الأستاذ فلان كأنه عندك صادك ؟
ويرد عليهم :لا تخسي اصلا انا رميتها قبل يوصل بس هو يبي ينظم حفله ويبيني اقدمها بس انا رفضت..... ويرن الجرس ويروحوا للطابور.... يبداء استاذ الرياضه يصفف الطلاب والصف الاصغر يصف قبل الكبار وبعد عناء طويل من الاستاذ يصفوا الطلاب عاد اذا جيتوا للنشيد الوطني واحد يردد اغاني عيضه وواحد ميحد والثاني هيفاء واللي ابدا مو موجود واللي يحرك شفايفه بدون صوت واللي يرن الموبايل وسط النشيد ويطقطق ع صاحبه ع باله موبايل صاحبه ..... ويقول واحد اقول شف استاذ فلان شكله فاطر بقيمتوا عيونه حمر .... خخخخخخ والله صادق اجل شوف ذا القوطي الحين هذا استاذ رياضه الله المستعان.....ههههههه ويعيدوه اربع مرات وعشان يرددوه زين لازم عقاب من المدير .... وبعد الطابور تجي الحصه واحد ابدا ما يدش الحصه واللي من الطابور داش عند حصة الرياضه وفي نص الحصه يجي ينادي صاحبه ع اساس المدير يريدهم... ويقظوها كذا الى ان يحين وقت الفرج وتجي الحصه الاخيره اللي راقد واللي مطلع موبايله ويمسج الصاحبه واللي رافع رجوله فوق الطاوله والنعال في اخر الصف طبعا هذا اذا كان الاستاذ مصري واذا جاء يكلمهم يقولوله ما بقى اللى انت يكفيك الراتب اللي تحصله من ورانا اسكت بس احسن اسكت لا اشكي بك في الوزارة ويفنشوك... يسكت المصري خايف ع نفسه .... اول ما يسمعون جرس الحصه ينطلقون واللي ينسى كتبه واللي ينسى الجمه واللي ينسى وحده من نعالانه ويلبس الثانيه واللي يغلط ويلبس نعاله وفرده حق صاحبه واالي يشيل كتب صاحبه وهكذا

الحياة ولاستاذ يوقف ع زاويه لا يخطفوا عليه ويروح فيها وعاد لما يروحوا اللي يروح بسيارته واللي في الباص واللي يتصل بصاحبه يجيه وياخذوا لفه كذا ع مدرسة البنات ويحاولوا يرقموا كم وحده واللي رز نفسه في سياره خشله ومقابل باص البنات وكاتب رقمه ع السياره وتمضي الايام .................................

عند البنات:::::::::::::::::
يوصلوا ويسلموا ع بعض ويبدوا يسولفوا ......بنات شفتن اخر موضه ويا خذوا يتكلموا ع الموضه وما شابه ............... بنات تعرفن من شفت في السوق .... الكل متلهف ... من ؟؟؟؟ والله حصلت استاذه الرياضيات لو تشوفن مالت عليها قسم بالله زوجها احلى منها..... بس والله من شفتها عفت السوق تذكرت ايام الحصص وع ............ بنات شفتوا اخر كليبات وش هي؟ ........ كليبات ايش اغاني ... اناشيد.... كل شي اغاني واناشيد.... ايه شفنا بس خلونا من السالفه الحين..... بنات القاعه الاولى احنا علينا الحصه الاولى رياضيات وانتوا علوم وما جايه الاستاذه اول ما تشوفوا الاستاذه جايه تعالوا طلعونا باي عذر المهم نطلع من عندها.... خلاص اتفقنا .... ويروحوا الطابور ........ نص ساعه الاستاذه توقفهم وبعد ما تتعب يوقفوا ويبدوا النشيد الوطني الحاله زي حالة الشباب ... اقول شوفي استاذه فلانه اليوم حاطه قوس قوزح ع وجهه واحنا ممنوعين حتى من الكحل .... الله يعيننا بس ع حظنا .... بنات ابشركم استاذة العربي ما جايه .... ما يلحقوا تكتمل الفرحه الى وهذي هيه جايه ومسرعه بعد ومن السرعه النعال في اليد .... وينصدموا البنات ووووووع الله اكبر عليها والله لو راقده احسن لها ولنا ............ وفي الحصه الاولى ينفذوا الخطه اللي اتفقوا عليها ........... وطبعا في الحصه الاخيره اللي راقده ع الطاوله واللي تكتب رساله حق صديقتها واللي تحسب الثواني متى تخلص الحصه ... واذا سالت الاستاذه فاهمين الكل نـــــــعم واذا جات بكره تسال ولا كانها سالت وقبل الجرس بخمس دقائق تلم كل وحده اغراضها واليد ع الشنطه بس متى يرن الجرس عشان ينطلقوا واول ما يدق الجرس حتى لو الاستاذه تشرح ما يهمهم ما تحصل ولا وحده في الصف الكل ع الباصات واللي تبي تتفوشر وتتمدح يجي اخوها يشيلها من المدرسه ع بالها ما يبيها تركب في الباص وترا هو مستانس عشان يشوف البنات واللي تتصل ع اختها وتطلع من الدوام وتجيها كل هذا عشان التفوشر وهكذا ..............

















بس ما الكل جيه

انا ما اقولك الا شي واحد وانتي ذكرتيه ف نهاية موضوعك


بس ما الكل جيه



وانا اصلا ما اشل تيلفوني المدرسه



واذا شليته وعرفوني ف البيت ف بيصادرونه عني

AMS BOY كتب:

انا ما اقولك الا شي واحد وانتي ذكرتيه ف نهاية موضوعك


بس ما الكل جيه



وانا اصلا ما اشل تيلفوني المدرسه



واذا شليته وعرفوني ف البيت ف بيصادرونه عني

منور

في بعض الطلبه جيه وفي بعضهم غير



يسلموو ع الموضووع



تقبلي مروووري عيوني مآاركه..

*عيوني ماركه كتب:

في بعض الطلبه جيه وفي بعضهم غير



يسلموو ع الموضووع



تقبلي مروووري عيوني مآاركه..

منوره