يمـــه مآني بخ ــــير :(

يادموعه
كل شي حوله
يبغى خضوعه
يادموعه
فيه لوعه
ترتجف ضلوعه
طفيت شموعه
يادموعه كل شي في محيطه مبهم
كله الم
محدن له رحم
والمبكي محد قرب وشاف همه
صرخ يايمه
وينك ابنك تعب
ابنك ضلوعه تلتهب
اصبح مايعي ولا يعي
يمه هالحزن قرب مصرعي
نزل مدمعي
يمه
ادعي وارفعي يدك للسماء
يشيل ربي هالاسى
يزيح ربي هالحزن
اللي تمكن
وبضلوعي استوطن
وشب ناره
ورسسم بوجهي الشحوب
مسكين ياوقاره
ضاعت ملامحه بين وعر الدروب
مسكين ياخساره
تمزق شبابه بين حزن الغروب

يمه ماني بخير
فيني من الجراح الكثير
ماهو بخير
امره متدهور خطير
بخاطرك يالفرح فقدتك كثير
علمي فيك يوووه من سنين وانا صغير
يوم العب بدميتي
واكلم شنطتي
واشتري بريالي المقطوع
شي يلهيني ويلهي الجوع
وين زمان وناس زمان
راح الحنان
غاب الامان
يمه دخيل الله طفلك
خلاص مل الاخلاص
وانقتل بداخله كل شي جميل
جسمه هزيل
تدري يالحيل
بالحيل مافيني حيل
يادوب هالدم القليل
ينبض بجسمي للحياه
مابين ذكراه والاه

فين علمي بالابتسامه
جسد مهلوك الزمن ضامه
كل من شافه رفع ابهامه
واشر نحوي هو علامه
مادرو اني في مهب الريح
عليل والفرح شحيح
وجروح تعشعشت في بقايا انسان
مابين
هم يمسي ويصبحني جريح
وهم احيان يوجع ويبكي الجدران
كل نفس فيني يصرخ تعال
اما تجي ولا ترسل تابوت الوصال
وترحم جثتي الهامده البائده
تعال وساعده
مل الصبر والصبر مله
مابين هم يلظى ولهب عله
ما عاد اشعر بالحياه ولا استطعم الوجود

يمه ماني بخير
واللي خلقني ماني بخير

مشكورة أختي على مرورج الطيب بموآضيعي..